ЭРҮҮЛ МЭНДИЙН ТӨВИЙН ТҮҮХЭН ЗАМНАЛ
Түшээт хан аймгийн Эрдэнэ вангийн хошууг 1924 онд Зүүнбүрэн хан уулын хошуу хэмээн нэрлэж хуучин засгийн үеийн нэрийг өөрчилж 12 сум болгожээ.
1934 онд тус сумын суурь болсон Зүүнбүрэнгийн өвс хадах морин станц байгуулагдан Банзадын тохойд төвлөрсөн байна.
1943 оны 4 сарын 23 нд Сайд нарын Зөвлөл, Намын ТХ-ны тэргүүлэгчдийн хамтарсан хурлын 30/36-р тогтоолоор Зүүнбүрэн САА байгуулагдан газар тариалан, мал аж ахуй голлосон үйлдвэрлэл явуулж эхэлсэн.
Энэ үеэс сумын эмнэлгийн эх үүсвэр тавигдсан гэж үзэх үндэслэлтэй. Анхны санитар нь Гочоо гэж маарамба хүн байсан бөгөөд тэрээр ургамлын гаралтай эм тан барьдаг, айлаар явж үзлэг хийдэг байжээ.
1950-иад оны үед 2 ортой бага эмчийн салбарт бага эмч Гончигжав, сувилагч Бадам / түүний эхнэр/ нар ажиллаж байв.
1955 оны 7 сард их эмчийн салбар байгуулагдаж, анхны их эмчээр Дорлигийн Доноров ирж ажиллажээ. Р. Феодор, З.Дулмаа, С. Норчиг нарын 3 хүнийг Алтанбулаг дахь сувилагчийн курссэд явуулсан нь 10 ортой их эмчийн салбарын анхны мэргэжилтэй боловсон хүчин болж байлаа.Тус эмнэлэгт эх баригч Галсанпунцаг. Цэвээн, сувилагч Ц.Бямбаа,\хожим нь аймгийн нэгдсэн эмнэлэгт мэс заслын сувилагчаар ажиллаж байсан\, улаан Долгор,Пүрвээ, Мягмаржав асрагч Цэнд Аюуш нарын хүмүүс ажиллаж байлаа.
1982 -1984 онд салбарын эрхлэгчээр Х.Ганцоож
1984-2011 онд салбарын эрхлэгчээр У.Хишигсүрэн
2011-2020 онд салбарын эрхлэгчээр Ц.Алтанцэцэг
2020 оноос одоог хүртэл О.Халиун ЭМТ-ийн даргаар ажиллаж байна.
Одоогийн эмнэлгийн бүтэц үйл ажиллагаа:
Зүүнбүрэн сум нь 120494кв/км нутаг дэвсгэртэй, 2862 хүн амтай, аймгийнхаа төвөөс 49 км зайтай оршдог. Сумын нийт өрх -840, 3-н багтай , малчин 302 өрхтэй бөгөөд сумын төвөөс 10-45 км зайтай суурьшдаг . Сумын эмнэлэг 19 ортой , их эмч – 2 бага эмч - 3, сувилагч -4, эмийн санч-1 бусад ажилтан -5 бүгд -15 орон тоотойгоор эмнэлгийн анхан шатны болон нийгмийн эрүүл мэндийн тусламж үйлчилгээг үзүүлдэг.
Эрхэм зорилго: Сумын хүн амын эрэлт хэрэгцээнд тохирсон нийгмийн эрүүл мэндийн болон эмнэлгийн суурь тусламж үйлчилгээг чанартай, жигд, хүртээмжтэй үзүүлэх явдал мөн.
Зорилт:
2003 оноос Францын Санте-Сюд –ын “Сумын эмнэлэг хөгжүүлэх “ төсөл хэрэгжиж 11 сая төгрөгийн хөрөнгө оруулалтаар эмнэлгийн тоног төхөөрөмжөөр хангагдаж, эмч мэргэжилтэн мэргэжлийн сургалтанд хамрагдаж , эмнэлгийн тусламж үйлчилгээ сайжирсан .
2007оноос Дэлхийн зөн ОУБ-ын ,Сэлэнгэ нутгийн хөгжлийн хөтөлбөр “Эх хүүхдийн эрүүл мэнд хоол тэжээл “ төслийн хүрээнд зохион байгуулагдсан эх хүүхдэд ээлтэй Засаг дарга тэргүүний сум , шилдэг сумын эмнэлэг шалгаруулах болзолт уралдаанд 2 удаа 2-р байранд шалгарч , эхийн эрүүл мэнд , суурь өвчтэй хүүхдийн эрүүлжилт сайжирч эх хүүхдийн эндэгдэлгүй ажиллаж байна.
Эмнэлгийн эмч мэргэжилтнүүд орчин үеийн багаж тоног төхөөрөмжийг бүрэн дүүрэн ашиглаж, лабораторийг шинээр нээн цус, шээс мазокийн шинжилгээг сумандаа хийж, эмийн бус эмчилгээний кабинет ажиллуулж шарлага, бумба,иллэг массаж, хөдөлгөөн эмчилгээ хийж, зүрхний бичлэгийн аппарат, ЭХО аппарат зэргээр оношлогоо хийн, оношлогоо эмчилгээний төрлийг нэмэгдүүлэн ажиллаж байна.
2020 онд 76,000,000 төгрөгний урсгал засвар ба өргөтгөлийг хийж гүйцэтгэсэн Амрах өрөөг тохижуулсан. Үйлчлүүлэгчдэд ил тод байдалд ээлтэй орчин бүрдүүлж эмнэлгийн дотор болон гадна хэсэгт камер байрлуулсан.
Эрүүл мэндийн төв нь:
Tweet